﻿Zabur 98
I TUHAN DI SOMPOMOGUNAN MONUNDA DI BANSA DAU

(Pemimpin)
Mindolongoi tokou-no do longoi vagu sid tinoguvangon di Tuhan.

(Jemaat)
Sabap nokembulai-no di Kinoringan i kosunduvo dau.

(Pemimpin)
I palad Dau do vanan om i longon Dau dot osusi

(Jemaat)
O minongimbulai di gama dot osundu.

(Pemimpin)
I Kinoringan o minanarang di kotulungan Dau

(Jemaat)
Sampai minongimbulai di kabanaran Dau sid tinoguvangon di sokoviai i bansa.

(Pemimpin)
Kakali andaman Dau i kovosihan

(Jemaat)
Om i katatapo Dau sid rurungan dot Israil.

(Pemimpin)
Pentongkop do pomogunan nga nokemot-no kavi di gama do Kinoringan monulung di tokou.

(Jemaat)
Tomon-kou-no, ot ongopomogunan, sabap i Kinoringan.

(Pemimpin)
Higak-kou-no banal om pindolongoi-kou-no.

(Jemaat)
Sundatango-no dikou i gama mongindazou do Kinoringan

(Pemimpin)
Dot ologod o gama monundatang om mindolongoi.

(Jemaat)
Ponuling-kou-no om ponuburi-kou-no

(Pemimpin)
Tu mongindazou sid tinoguvangon do raja, ino-no i Tuhan

(Jemaat)
Gara-kou-no, o rahat om i sokoviai i suvang-nu.

(Pemimpin)
Gara-kou-no o vinangun sampai i suvang-nu.

(Jemaat)
Panapap-kou-no ot ongobavang

(Pemimpin)
Om gara-kou-no mindolongoi, ot ongoburul sid tinoguvangon di Tuhan.

(Jemaat)
Tu rumikot-no iosido.

(Pemimpin)
Rumikot i Tuhan, to mongohukum-no di pomogunan.

(Jemaat)
Manahak-no iosido do kovosihan Dau sid riniba

(Semua)
Om i kotulido Dau sid ongorurungan.

